БИШКЕК, 3-фев. — Sputnik. Бүгүн борбор калаада жүрөк кан тамыр ооруларын алдын алган жана коомчулукту сергек жашоо образына үгүттөгөн иш-чаралар өтөт. Бул туурасында Кыргыз улуттук медициналык академиясынан кабарлашты.
Бишкекте жайгашкан Борбор Азиядагы Америка университетинде окутуучулар менен студенттер үчүн аталган оорулар туурасында маалыматтар берилет. Анда инсульт аны алдын ала аныктоо жана профилактикалык иштер талкууланат. Кан тамыр ооруларынын пайда болушу, сергек жашоо образынын мааниси туурасында айтып беришет.
Кыргызстандыктардын өмүрүн алган илдеттердин башында кан айлануу системасы менен жүрөк-кан тамыр илдеттери турат. Бул туурасында Статистикалык комитет өткөн жылдын аягында билдирген.
