БИШКЕК, 2-янв. — Sputnik. Кыргызстандыктардын өмүрүн алган илдеттердин башында кан айлануу системасындагы жана жүрөк-кан тамыр илдеттери турат. Бул туурасында Статистикалык комитеттин маалыматында айтылат.
"Кан айлануу системасындагы жана жүрөк-кан тамыр илдеттери негизинен өлкөнүн ишке жарамдуу бөлүгүн камтыйт. Экинчи кооптуу оору — рак. 2015-жылы жалпы каза болгондордун 11 пайызы дал ушул онкологиялык оорудан көз жумган", —деп айтылат маалыматта.
Мындан кийинки себеп — ар кыл жаракатттар, травма, уулануу жана башка сырткы факторлор экен. Мындан улам каза болгондордун 80 пайызы ишке жарамдуу жарандар болуп чыккан.
Өмүрдү алган кийинки оорулар — тамак-аш сиңирүү жана дем алуу органдарынын жабырланышы деп аныкталган.
