Айрым адамдар пенсия албай өтүп кетишүүдө. Бул тууралуу КСДП фракциясынын депутаты Жанар Акаев парламентте Соцфонддун бюджети каралып жатканда билдирди.
"Ушул күндөрү 100дөгөн улгайган адамдарды пенсиясыз калтырган учурлар бар. Алайдагы Сары-Моңол, Сары-Таш айылынын тургундары пенсия ала албай келишет. Алар бизге кайрылса биз өкмөткө, соцфонд жергиликтүү бийликке шылтайт. Ошентип көптөгөн адамдар пенсия албай өтүп кетип жатышат", — деди Акаев.
Социалдык фонддун төрагасы Теңизбек Абжапаров Сары-Моңол айылы 25 жыл Тажикстанда ижарада туруп, 2004-жылы Кыргызстанга өткөндүгүн айтты.
Ал ошол жердеги жер меселеси чечиле электигин, жер үлүштөрү бөлүнүп, жер китебин берилиши керектигин, ошондо гана камсыздандыруу төлөмдөрүн алып, пенсия чектелерин билдирди.
