БИШКЕК, 1-фев. — Sputnik. Жогорку Кеңештин депутаты Аида Салянова сурак берүү үчүн Улуттук коопсуздук мамлекеттик комитетине келгенин анын жактоочусу Улан Жумаков билдирди.
Анын айтымында, Салянованы УКМК кайтадан суракка шаршемби күнү саат 16.00гө чакырган. Депутат парламенттин пленардык жыйыны аяктагандан кийин саат 17.40тар чамасында келген.
Учурда УКМК имаратынын алдына Салянованын тарапташтары чогулууда.
"Болжол менен 100дөй киши чогулду. Алар Аида Салянованын чыгышын күтүп жатышат", — деди жактоочу.
Белгилей кетсек, 2016-жылы декабрь айында Башкы прокуратура Аида Саляновага карата юстиция министри болуп турган кезде Алексей Елисеевдин адвокаттык лицензиясын кызмат абалынан кыянаттык менен пайдаланып калыбына келтирип берген деп кылмыш ишин козгогон.
