БИШКЕК, 25-янв. — Sputnik. Күбө мыйзам бузган айдоочуну токтотпогон Кайгуул милициясын жоопко туртууну суранат.
Ал Honda Inspire автоунаасы бир тараптуу болгон Москва көчөсү аркылуу башка машиналардын алдына чыккан айдоочуну токтотпогон Кайгуул милициясынын видеосун Sputnik Кыргызстан агенттигинин WhatsApp номери аркылуу салды.
© Видео / очевидца, отправленное по Whats App-каналу
Күбөнүн айтымында, ал бул видеону кечээ саат 14:50лөр чамасында тартып алган.
Кайгуул милициясынын башкармалыгы бир тараптуу болгон жолдун каршы тарабына чыгуу мыйзам бузуу экенин билдирип, окуянын чоо-жайын иликтей тургандыгын билдирди.
Мыйзамга ылайык, жолдун каршы тилкесине чыккандарга 1000 сом айып каралган. Андан сырткары, эгер бул видеону тарткан айдоочу рулда бара жатып тартканы аныкталса ага да айып пул салынат. Мыйзам боюнча машина айдап баратканда телефонду колго алып сүйлөшүү эреже бузуу болуп саналып, жаза катары 200 сом айып каралган.
Эгер кандайдыр бир окуяларга күбө болуп калсаңыз Sputnik Кыргызстан агенттигинин +996 706 566 544 WhatsApp номери аркылуу жиберсеңиз болот.
