БИШКЕК, 25-янв. — Sputnik. 26-январда жаан-чачын күтүлбөйт, түнкүсүн Чүй, Талас, Баткен, Ош, Жалал-Абад облустарынын кээ бир райондорунда туман түшүшү мүмкүн. Бул тууралуу Кыргызгидромет билдирди.
Жаап өткөн жаан-чачынга байланыштуу Кыргызстандын тоолуу райондорунда, Бишкек — Ош автоунаа жолунун (Төө-Ашуу ашуусу) 121-138, (Ала-Бел ашуусу, Чычкан капчыгайы) 198-265 чакырымдары, (Көк-Бел ашуусу) 351-365 чакырымдары, Мырзаке — Кара-Кулжа — Алайкуу автоунаа жолундагы 65-90 чакырымдары, Ала-Бука — Каныш-Кыя автоунаа жолунун 65-90 чакырымдары, Красная-Горка — Ак-Таш автоунаа жолунун 1-9 чакырымдары, Казарман — Актал — Чат автоунаа жолунун (Кара-Көө ашуусу) 67-94 чакырымдарындагы (Ийри – Суу участкасынын 42-44чм) жана Каракол — Эңилчек автоунаа жолунун (Чоң-Ашуу ашуусу) 45-92 чакырымдарында кар көчкү түшүү кооптуулугу сакталат. Унаалардын ортосундагы 500 метр аралык кыймыл чектелиши зарыл.
