БИШКЕК, 23-янв. — Sputnik. Аба ырайынын кескин өзгөрүүсүнөн улам айрым жолдордо кар көчүшү мүмкүндүгүн ӨКМ билдирди.
Жолдор тайгак жана тоңголок болуп, тоолуу аймактарда кар күрткүсү пайда болушу мүмкүн.
"Бишкек — Ош, Ош — Сары –Таш — Эркечтам, Ош — Мырзаке — Алайкуу, Ала-Бука — Жаңы-База — Канышкыя жолдоруна кар көчкү түшүүүсү күтүлөт", — деп айтылат маалыматта.
Туруксуз аба ырайынан улам аталган тоолуу участкалардагы каттамдар аркылуу жол жүрүүдөн баш тартуу сунушталат.
