БИШКЕК, 22-янв. — Sputnik. Балдардын "Сейтек" эстетикалык борборунда салттуу ушу боюнча беттеш өтөт. Бул туурасында Ушу боюнча федерациядан кабарлашты.
Иш-чара Адеп, ыйман жана маданият жылына карата өткөрүлүп жатат.
Таймашка 200дөн ашуун 4-15 жаштагы ушучулар катышат. Алар "Сейтек", "ЛиУ", "Панда", "Тянь Шань", "Мангуст", "Молния", "Айсуу", "Лун Фэн, "Белый ястреб" жана дагы бир катар клубдардын катышуучулары.
Спорттук беттешке чыккандар салттуу ушунун базасындагы ыкмаларды көрсөтөт.
Иш-чара жаңы баштаган ушучуларды олуттуу машыгууга тартуу жана алардын дене бой, техника жана теориялык билимдерин бекемдөө максатында өткөрүлүп жатат.
