БИШКЕК, 21-янв. — Sputnik. Кайгуул милициясынын кызматкерлери менен уруша кеткен №169 маршрутканын Урмат аттуу айдоочусу күнөөсүн мойнуна алганын Sputnik Кыргызстан агенттигине Кайгуул милициясынын маалымат катчысы Таалайбек Бугубаев билдирди.
21 Үчтүн айы 2017, 14:06
Эскерте кетсек, бүгүн аталган маршрут жол ортосуна туруп калып, автотыгын жаралган. Кайгуул милициясы айдоочу протокол түзүүгө каршылык көрсөткөнүн билдирген. Ал эми айдоочу унаасы бузулуп калгандыктан жолго токтоого аргасыз болгонун айткан.
Ортодо чыр чыгып, милиция кызматкерлери айдоочуну Биринчи Май РИИБине күчтөп алпарууга мажбур болушкан. Теришитүү үчүн аталган бөлүмгө Кайгуул милициясынын жетекчиси да келген.
Натыйжада айдоочу өзүнүн күнөөсүн мойнуна алган.
Бугубаев Биринчи Май райондук соту жакын арада анын баш коргоо чарасын карай турганын белгилеп, айдоочу бейбаштык кылды деп айыпталып жатканын кошумчалады.
