БИШКЕК, 17-янв. — Sputnik. Республикалык сот-медициналык экспертиза бюросуна алып келинген 37 маркумдун аты-жөнү такталып, 34 кыргызстандык жарандын сөөгүн туугандары алып кеткенин өкмөттүн маалымат кызматы билдирди.
Эскерте кетсек, 16-январь күнү таң эрте Гонконгдон Стамбулду көздөй келе жатып, Бишкектен май куюу үчүн "Манас" аэропортуна конмок болгон Boeing-747 учагы Дача айылынын үстүнө кулаган. Кырсыктан акыркы маалыматтар боюнча 38 кишинин көз жумганы белгилүү болду.
"Учурда моргдо учак экипажынын үч мүчөсүнүн сөөгү калды. Дагы бир учкучтун денеси алып келине элек", — деп айтылат билдирүүдө.
ӨКМ учурда кырсык чалган жерде издөө иштерин улантып жатат.
Авиакырсыктын чоо-жайын Sputnik Кыргызстан агенттиги даярдаган материалдан окуңуз.
Дача айылына кулаган учактын алгачкы видеосун Sputnik Кыргызстан агенттигинин материалынан көрүңүз>>
