БИШКЕК, 16-янв. — Sputnik. Эл аралык "Манас" аба майданынын жанында учак кулап түшкөн кырсыктан жабыркагандар менен каза болгондордун туугандары Бишкек шаарындагы "Семетей" мейманканасына жайгаштырылат. Бул туурасында өкмөттүн маалымат кызматы кабарлады.
16 Үчтүн айы 2017, 14:40
Эске салсак, эртең менен Гонконг — Стамбул каттамы менен учкан MyCargo Airlines авиакомпаниясына таандык Boeing-747-400F учагы саат 7.30дар чамасында "Манас" аэропортуна жакын жердеги Дача-Суу айылына кулап түшкөн. Анын кесепетинен отуздан ашык киши каза болуп, 20дан ашык үй бузулган.
Биринчи вице-премьер Мухамметкалый Абулгазиев кырсык болгон аймакта ыкчам жыйын өткөрүп, жабырлангандар менен каза болгондордун туугандарына көмөк көрсөтүүнү талкуулады.
Абулгазиев тиешелүү органдарга авиакырсыктан жабыркагандар менен каза болгондордун туугандары "Семетей" мейманканасына жайгаштыруу суроосун чечүүнү тапшырды.
Учактын кыйрашына байланыштуу бардык маалыматтардын топтомун бул жактан окуңуздар>>
"Манас" аэропортунун жака белиндеги Boeing-747 учагынын кыйрашы
