БИШКЕК, 13-янв.— Sputnik. Чүй, Талас облустары менен Бишкек шаарынын бир катар көчөлөрүндө электр энергиясын берүү үзгүлтүккө учурайт. Бул тууралуу Улуттук энергохолдинг билдирди.
Маалыматка ылайык, 13-январда Бишкек шаарынын Гоголь, Фрунзе, Үсөнбаев, Ибраимов, Мичурин, Керамический, Табачный, Семашко, Чүй, Көлбаев, Белгородский жана Архангельск көчөлөрүндө жарык болбойт.
Андан сырткары, Чүй облусунун Лесхоз, Гроздь, Берлик, Васильевка, Садовое, Дачное, Верхневосточный, Жаңы Жер, Ак-Кашат, Заря айылдары менен Кара-Балта шаарынын кээ бир көчөлөрүндө электр энергиясы берилбейт.
Оңдоо жана кырсыктардын алдын алуу иштери Талас облусунда дагы жүргүзүлүп, Кызыл- Октябрь, Маданият менен Таш-Арык айылдарында жарык 09:00дөн 17:00гө чейин болбойт.
