БИШКЕК, 5-янв.— Sputnik. Чүй облусу менен Бишкек шаарынын бир катар көчөлөрүндө электр энергиясы үзгүлтүккө учурайт. Бул тууралуу Улуттук энергохолдинг билдирди.
4 Үчтүн айы 2017, 13:18
Маалыматка ылайык, 5-январда Бишкек шаарынын Рысмендеев, Иманалиев, Лесхоз, Көлбаев, Фирсов, Сүйүнбаев, Гоголь көчөлөрү менен Чүй жана Жибек Жолу проспектисинде электр энергиясы жок болот.
Андан сырткары, Төкөлдөш, Ак-Бата, Эне-Сай, Аска-Таш, Арча-Бешик менен Учкун-1, Учкун-2 жаңы конуштарынын айрым көчөлөрүндө эртең мененки 09:00дөн 18:00гө чейин жарык өчүрүлөт.
Оңдоо жана кырсыктардын алдын алуу иштери Чүй облусунда дагы өткөрүлөт. Ага ылайык Арашан, Чуңкурчак, Татыр, Лебединовка, Военно-Антоновка, Жаңы-Жер айылдары менен Шопоков, Кара-Балта шаарларында электр энергиясы үзгүлтүккө учурайт.
