БИШКЕК, 29-дек. — Sputnik. Куткаруучулар Кара деңизге кулап түшкөн Ту-154 учагынын негизги фрагменттерин сыртка алып чыгышты. Алар Сочидеги атайын аянтчага жөнөтүлүп, иликтөөгө алынды. Бул тууралуу күч түзүмдөрүнө шилтеме кылып РИА Новости билдирди.
"Учактын негизги фрагменттери атайын аянтка жиберилди. Адистер кыйраган учакты иликтеп чыгышат", — деп агенттикке маалымдашкан.
Россиянын Коргоо министрлигинин Ту-154 учагы жекшемби күнү эртең менен Сирияга бара жаткан жеринен Кара деңизге кулап түшкөн. Маалыматка ылайык, ичиндеги 92 адамдын бири да аман калган эмес.
