БИШКЕК, 22-дек. — Sputnik. Sputnik Кыргызстан маалымат агенттиги жана радиосу Тарых жана маданият жылын даярдоо жана өткөрүү боюнча мамлекеттик дирекциянын тандоосу менен Тарых жана маданият жылын чагылдырууда мыкты интернет-каражат аталды.
"Мыкты материал" номинациясында Sputnik Кыргызстан агенттиги өлкөнүн архитектуралык эстеликтери, музыкалык аспаптары, ажайып кооз жерлери тууралуу алты мульмедиалык долбоор сунуштаган.
Агенттиктин жетекчиси Елена Череменина Sputnik Кыргызстан маалымат берүү менен гана чектелбестен, кыргыз элинин баалуулуктарына басым жасап, өлкөнүн имиджин эл аралык аренада колдоого өзгөчө көңүл бурарын белгиледи.
Sputnik Кыргызстан тарабынан сунушталган долбоорлор:
"Кыргызстанга саякат" туристтик лонгриди
"Ажайып Кыргызстан" долбоору
Улуттук музыкалык аспаптар боюнча инфографика
"Тибиртке" рубрикасы
"Кеп казына" рубрикасы
"Фактылар" рубрикасы
Эскерте кетсек, президенттин Жарлыгы менен 2016-жыл Тарых жана маданият жылы деп жарыяланган.
Sputnik Кыргызстан ондогон өлкөлөрдө мультимедиалык хабдары бар эл аралык маалымат агенттиги жана радиосунун бир бөлүгү болуп саналат. Sputnik өз карамагына 30дан ашуун тилде жарык көргөн сайттарды, аналогдук жана санарип радиоберүү, мобилдик тиркемелерди, жана социалдык тармактагы баракчаларды камтыйт. Катталуучулар үчүн жаңылыктар англис, араб, испан жана кытай тилдеринде жарыяланат.
* LiveInternet версиясы боюнча 2016-жылдын январь-ноябрдын ичинде
