БИШКЕК, 16-дек. — Sputnik. Ошто жасалма паспорт менен Россияга учууга аракет кылган Тажикстандын жараны кармалды. Бул тууралуу Чек ара кызматынан билдиришти.
12 Бештин айы 2016, 12:09
Маалыматка ылайык, 36 жаштагы жарандын "Ош-аэропорт" көзөмөл өткөрүү пунктунда көрсөткөн паспортунда жасалмалуулуктун белгилери байкалган. Текшере келгенде документтин химиялык коргоонуусу жана гербдин сүрөтү жок болуп чыккан.
Кармалгандын айтымында, ал буга чейин Россиядан Тажикстанга депортацияланып келген. Кайра Россияга баруу үчүн Кыргызстандан мыйзамсыз берилген жасалма документти пайдаланган.
Тиешелүү документтер толтурулгандан кийин кармалган жаран УКМК кызматкерлерине өткөрүп берилди.
