БИШКЕК,12-дек. —Sputnik. Бишкектен тууганынын паспорту менен Түркияга учууга аракет кылган 20 жаштагы кыз кармалды. Бул тууралуу Чек ара кызматы кабарлады.
Кыргызстандык жаран 12-декабрда "Манас-аэропорт" чек ара көзөмөл пунктунан колго түшүрүлгөн. Ал "Бишкек-Стамбул" каттамы менен учуу үчүн чек арачыларга тууганынын паспортун көрсөткөн.
Кармалгандын айтымында, ал буга чейин Түркиядан жасалма визасы үчүн депортацияланган. Мындан улам Түркияга иштеп келүү үчүн тууганынын паспортун колдонгон.
Тиешелүү документтер толтурулгандан кийин окуянын чоо-жайын тактоо үчүн кыз УКМК кызматкерлерине өткөрүп берилген.
