БИШКЕК, 23-ноя. — Sputnik. Кыргыз өкмөтү "мөөнөтсүз" деген белгиси бар 1994-жылкы паспорттор 2017-жылдын 31-мартына чейин гана жарактуу экени боюнча токтом кабыл алганын Мамлекеттик каттоо кызматы билдирди.
Мындан улам 1-апрелден баштап эски үлгүдөгү паспорттор толугу менен юридикалык күчүн жоготуп, жараксыз деп табылат.
"1994-жылкы паспорт алып жүргөн жарандар жашаган жериндеги паспорт-виза бөлүмдөрүнө кайрылып, алмаштырып алса болот", — деп айтылат билдирүүдө.
2 Жетинин айы 2016, 10:28
Эскерте кетсек, жарандарды 2004-жылкы паспорттор (ID-card) менен камсыздоо үчүн былтыр августтан баштап Мамкаттоо 60 жашка чыккан жана андан жогорку курактагылар үчүн паспортту бекер алмаштыруу жараянын жүргүзүп келет. Бүгүнкү күндө 110 миңден ашуун паспорт алмаштырылды.
Эски паспортторду жаңысына алмаштырбаган жарандар 11-декабрга белгиленген шайлоо жана референдумда добуш берүү укугунан ажыратылат.
Кыргызстандагы жаңы биометрикалык паспорттун эскизи
