Тургунаалы Жусуп Мамай теги Sputnik Кыргызстан агенттигине Кытайдагы кыргыздардын кыз узатуу салты жөнүндө айтып берди.
Анын айтымында, кытайлык кыргыздарда кыз узатуу салты катуу сакталган. Турмушка узап жаткан кыз ата-энеснин үйүнөн чыгып атканда үн чыгарып ыйлайт. Антпесе айылдаштары сөз кылат.
"Кыз узатуу тоюнда жылкы союлуп, келгендерди коӊшу үйлөргө конокко бөлүп сыйлайт. Эртеси ата-эненин үйүнөн чыгып жатканда кыз катуу үн чыгарып ыйлап, жанындагы кыздардын баары ыйлачу. Эгер турмушка узап аткан кыз ыйлабаса, айылда сөз кылышчу. Анан кыздын жүзү күйөө баланын үйүнө жеткенге чейин такыр ачылчу эмес. Кызды бул жактагыдай эле унаалар менен алып кетип, артынан себи кетчү", — деди ал.
Өнөрпоз теги учурда кытайлык кыргыздар да тойлорду ресторандарда өткөрүүгө ыктап калышканын белгиледи.
