БИШКЕК, 8-дек. — Sputnik. Социалдык тармактын колдонуучуларынын сүймөнчүгү, Дубайдын ханзаадасы Шейх Хамдан бин Мохаммед бин Рашид аль Мактум кезектеги кызыктуу видеоролиги менен таң калдырганын The Telegraph басылмасы жазып чыкты.
Ханзада дүйнөдөгү эң бийик имараттын чатырынан тартылган видеону бөлүштү. Анда булуттардын арасындагы бийик имараттар кудум жомоктогудай болуп көрүнөт.
Видео 10 саатка жетпеген убакытта эле 500 миңден ашык жолу каралган. Учурда аны көргөндөрдүн саны 814 миңден ашкан.
Хамдан ибн Мохаммед аль-Мактум шейх Мохаммеда ибн Рашида аль-Мактумдун экинчи уулу. Ал 2008-жылдан тарта мураскер ханзаада болуп калган. Себеби анын агасы Рашида ибн Мохаммед ханзаада болуудан баш тарткан.
Анын Instagram баракчасына 4,4 миллиондон ашык киши жазылган.
