БИШКЕК, 12-окт. — Sputnik. Дубайда The Towers аттуу эң бийик имараттын курулушу башталганын РИА Новости билдирди.
Маалыматка ылайык анын бийиктиги 928 метр болот. Дубайдын шейхи Мухаммед бен Рашид Аль Мактум анын пайдубалын түптөдү. Жаңы курула турчу имараттын бийиктиги Бурж Халифа имаратынан (828 метр) 100 метрге бийик болот.
The Towers имараты 2020-жылы курулуп бүтөт. Дал ушул жылы Дубайда эл аралык ЭКСПО көргөзмөсү өтөт.
Эң бийик имаратты куруу демилгеси 2016-жылы жарыяланган. Анын курулушуна 1 миллиард доллар кетет деп пландалууда.
