БИШКЕК, 30-ноя. — Sputnik. Милиция "Алкан" базарынын чатырынын урашы боюнча иликтөө башталганын Бишкек шаардык ИИБдин маалымат кызматынан билдиришти.
Эске салсак, 29-ноябрда "Дордой" соода комплексиндеги "Алкан" базарынын негизги өтмөгүнүн чатыры урап, беш киши жабыркаган болчу. Алардын төртөө Бишкектеги Травматология жана ортопедия илим-изилдөө борборунун кайра жандандыруу бөлүмүнө жактырылган эле. Бир жаран амбулатордук дарыланууга чыгарылган. Бир аял өзүнө келе албай комада.
Милициядан шаардык ИИБдин кызматкерлери окуя болгон жерге барып, алгачкы маалыматтарды топтогондугун кабарлады.
"Эми техникалык-коопсуздук эрежелеринин бузулушу боюнча кылмыш ишин козгоого болот", — деп билдиришти милициядан.
Милициядан мындан аркы жагдайын абалы жабыркагандардын укук коргоо органдарына арыз менен кайрылып, кайрылбаганына жараша болорун айтышты.
