БИШКЕК, 30-ноя. — Sputnik. "Алкан" базарынын кулаган чатырынан жабыркаган беш кишинин бирөө дагы деле эсине келе элек. Бул туурасында Бишкектеги Травматология жана ортопедия илим-изилдөө борборунун жетекчиси Сабырбек Жумабеков Sputnik Кыргызстан агенттигине билдирди.
Эске салсак, 29-ноябрда "Дордой" соода комплексиндеги "Алкан" базарынын негизги өтмөгүнүн чатыры урап, беш киши жабыркаган болчу. Алардын төртөө Бишкектеги Травматология жана ортопедия илим-изилдөө борборунун кайра жандандыруу бөлүмүнө жактырылган эле. Бир жаран абалы жакшы болгондуктан амбулаторду дарыланууга чыгарылды.
"Кайра жандандыруу бөлүмүндө төрт аял келип түшкөн. Алардын экөө өзүнө келбей жаткан. Буюрса, бирөөсү комадан чыкты", — деди Жумабеков.
Базардын жетекчилиги жабыр тарткандарга жардам бериле турганын билдирген эле.
