БИШКЕК, 20-ноя. — Sputnik. Алайкуу өрөөнүндөгү бир айыл аймакка жарык берилип, калган эки айыл аймак караңгыда отурат. Бул тууралуу ӨКМден кабарлашты.
Эске салсак, 17-ноябрда Алайкуу өрөөнүнө (Ой-Тал, Кызыл-Жар, Алайкуу, Капчыгай айыл аймактары кирет) бир метрден ашык кар түшкөн. Анын айынан үч айыл аймак жарыксыз калган.
"Кара-Кулжа районуна караштуу Ой-Тал айыл аймагына кечээ саат 17.25де электр энергиясы берилген. Ал эми Кызыл-Жар менен Алайкуу айыл аймактарына жол ачылгандан кийин жарык берилет", — деп айтылат маалыматта.
Белгилей кетсек, Оштун Мырзаке — Алайкуу унаа жолу кар күрткүдөн улам жабылган.
