БИШКЕК, 20-ноя — Sputnik. Эл аралык "Манас" аба майданы кайрадан иштеп баштады деп билдирди Sputnik Кыргызстан агенттигине аталган жайдын маалымат кызматы.
Кардын калың жаашынан улам, аэропорт бүгүн эртең мененки саат 8.00дөн тарта аба каттамдарын кабыл алууну жана жөнөтүүнү токтоткон. Түшкө чейин кете турган Ош, Москва, Стамбул, Дели, Душанбе, Үрүмчү каттамдары учпай калган.
"Бүгүн саат 12:30да аба майданы кайрадан ишин баштады. Учуп-конуу тилкеси кардан толугу менен тазаланды. Азыр аталган жай кадимки калыбында иштеп жатат", — деп билдиришти маалымат кызматынан.
"Манастан" катаал аба ырайынан улам кармалып калган каттамдар бүгүн толугу менен учуп кетээрин кошумчалашты.
