БИШКЕК, 20-ноя. – Sputnik. Индияда жүргүнчүлөрдү ташыган поезддин 14 вагону рельстен чыгып кетип, өлгөндөрдүн саны 100 кишиге жетти. Ал эми жабыркагандар 200дөн ашат. Бул туурасында РИА Новости NDTV телеканалына шилтеме кылып кабарлады.
Буга чейин 60 адамдын каза таап, 150гө чукул жүргүнчүлөрдүн жарадар болгону кабарланган. Канпур шаарынын полициясынын өкүлү Заки Ахмеддин айтымында, алардын саны дагы өсүшү мүмкүн.
Кырсык Пукраян шаарынан алыс эмес аймакта болгон. Адам өмүрүн алган окуянын себептерин азырынча так айтыша элек. Индиянын Ички иштер министри Раджнатх Сингх Twitter баракчасы аркылуу каза болгондордун жакындарына көңүл айтты.
Бүгүн президент Алмазбек Атамбаев Индиягы кырсыкка кабылгандардын жакындарына жана өлкө президенти, өкмөт башчысына көңүл айтты.
