БИШКЕК, 5-авг. — Sputnik. Kamayani Express поездинин 12 вагону жана Janata Expressтин алты вагону бир убакта рельстен чыгып кеткенин CNN-IBN телеканалы билдирүүдө.
Бул кырсык шейшемби күнү Мадхья-Прадеш штатында болгон. Буга чейин вагондор Мачак дарыясына түшүп кеткени айтылган. Такталган маалыматтарга ылайык, вагондор дарыядагы суунун көлөмү күтүүсүз кескин көтөрүлүшүнүн себебинен рельстен чыгып кеткен.
"Каза болгондордун саны 30га жетти. Буга чейин 20 киши каза болуп, 100дөн ашыгы куткарылганы маалымдалган. Учурда 300дөн ашык адам куткарылды", — деп билдирди аталган канал.
CNN-IBN каналынын маалыматы боюнча, каза болгон 30 кишинин 20сы Kamayani Express поездинин, ал эми 10 киши Janata Expressтин жүргүнчүлөрү болгон.
