БИШКЕК, 13-ноя. — Sputnik. Европарламенттин төрагасы Мартин Шульц Түркия оппозициядагы журналисттер менен саясатчыларды кармап, камагандыгы үчүн экономикалык санкцияга кабылышы мүмкүндүгүн айтты. Бул туурасында РИА Новости жазды.
"Биз Түркияга карата кандай санкцияларды колдонуу туурасында ойлонушубуз зарыл болуп турат. Быйылкы жылдын соңуна Бажы биримдиги боюнча реформалар өтүшү керек. Ага Түркия да мүчө. Оппозициялык журналисттер менен саясатчыларды камоо толкунун кийин Бажы биримдигин аталган өлкөгө карата кеңейтүүнү элестете албай турам",— деген билдирүү жасаган Шульц.
Европарламент төрагасы Түркиянын өлүм жазасын киргизиши мүмкүн болуп тургандыгын да эскерткен.
"Эгерде Түркия өлүм жазасын кайта алып келсе, Ервробиримдикке кирүү боюнча сүйлөшүүлөр дароо токтотулат. Мен бул өлкө менен диалогдун уланышын каалайм", — деген ал.
Буга чейин прокуратура күрддөргө ыктаган, оппозициялык маанайдагы Демократиялык партиянын парламенттеги 12 депутаты кармалгандыгын кабарлаган. Андан бир аз өтпөй сот тарабына дагы 10 эл өкүлү камалган. Ал эми өткөн аптада оппозициядагы Cumhuriyet басылмасынын кызматкерлери камакка алынды.
