БИШКЕК, 11-ноя. — Sputnik. АКШнын азыркы президенти Барак Обама бейшемби күнү президенттик шайлоодо жеңишке жеткен Дональд Трамп менен жолугуп, бийликти өткөрүп берүү маселесин талкуулаганын РИА Новости агенттиги Ак үйдүн маалымат катчысы Жон Эрнест брифинг учурунда билдиргенин маалымдады.
Эрнест маанилүү деген нерселерге токтолду.
"Алар сырткы жана ички саясий маселелерди талкуулоого мүмкүндүк алышты. Обаманын жакын арада боло турчу сапарында кайсы маселелер көтөрүлө турганы да талкууланды", — деди ал.
Эрнест ошондой эле Обама Трампка иш сапары учурунда өнөктөштөрү менен кайсы темаларды талкуулай турганы боюнча айтты.
Буга чейин Ак үйдүн маалымат катчысы 14-21-ноябрда Обама Грецияга, Германияга жана Перуга барарын билдирген.
Ал ошондой эле Барак Обама менен Дональд Трамптын мамилеси тууралуу да айтты.
"Президент (Обама — ред.) өзүнүн көз карашын өзгөрткөн жок. Ал шайлоо кампаниясы учурунда айткан оюнан кайтпайт. Бирок Америка эли өз тандоосун жасады", — деди Эрнест.
Шайлоодо жеңишке жеткен Трамптын администрациясы 2014-жылдын 20-январынан тарта кызматка киришет.
8-ноябрда өткөн шайлоодо Трамп атаандашы Хиллари Клинтонду жеңип алган. Клинтон шайлоодо жеңилгенин моюндап, аны куттуктоо
