ЖМК: Дональд Трамп АКШ президенти болду, Клинтон жеңилгенин мойнуна алды

© REUTERS / CARLO ALLEGRIПредварительные итоги голосования на выборах президента США
Предварительные итоги голосования на выборах президента США - Sputnik Кыргызстан
Жазылуу
АКШда 8-ноябрда президенттик шайлоо болуп өттү. Анда шайлоочулар Демократиялык партиядан Хиллари Клинтон менен республикачыл Дональд Трампка добуш беришти.

БИШКЕК, 9-ноя. — Sputnik. Кыймылсыз мүлктүн магнаты, миллиардер Дональд Трамп алдын ала маалымат боюнча президенттик шайлоодо шайлоочулар тандаган өкүлдөрдүн (выборщик) тийиштүү добушун алып, АКШнын президенти болуп шайланды. Мындай алдын ала маалыматты Ассошиэйтед Пресс агенттиги берүүдө.

Демократиялык партиядан талапкер Хиллари Клинтон атаандашына чалып, жеңилгенин мойнуна алды деп жазууда CNN каналы.

Кыргызстандын жанан АКШнын желектери. Архив - Sputnik Кыргызстан
АКШга жаңы президенттин келиши Кыргызстанга кандай таасир этет?
АКШда 8-ноябрда президенттик шайлоо болуп өттү. Анда шайлоочулар Демократиялык партиядан Хиллари Клинтон менен республикачыл Дональд Трампка добуш беришти. 

Учурда добуштар саналып жатат.

Шайлоону жеңүү үчүн талапкерлер шайлоочулар тандаган (выборщик) 558 өкүлдүн 270нин добушуна ээ болуусу керек болчу. 

Шайлоочулар тандаган өкүлдөр (выборщик) — алдын ала кайсы талапкерге добуш берерин жарыялаган штаттардагы партия өкүлдөрү болуп эсептелет. Ал өкүлдөр талапкерлерге добуш берүү укугун алыш үчүн эл берген добуштун басымдуу бөлүгүнө ээ болуусу кажет. Эл тарабынан тандалган 558 өкүлдүн 270нин добушун алган талапкер жеңүүчү деп табылат.

Жаңылыктар түрмөгү
0