Адаттагыдай эле. Эч нерсе өзгөргөн жок. Өзүбүздүн майрамыбызда деле таң эрте жумушка келип, тыпыйып иштеп отурабыз. Журналистерде дайым ушундай. Кайсы гана майрам болбосун, эл жыргап эс алса, биздин жумуш тим эле эки эсе көбөйүп кетет. Эгерде олуттуу окуя болуп кетсе, күн-түн деген түшүнүк жок. Талаалап чыгып кетип, апталап үйүнө келбей калгандары канча. Өрт, жарылуу, шайлоо… баягы эле диктофонун көтөрүп чуркаган журналисттер.
Кудайдын кулагы сүйүнсүн, өлкөбүздө журналистика өнүгүү жолунда бара жатат. Буга салым кошкон бардык кесиптештерге алкыш гана айтабыз. Мага окшоп бул ардактуу кесиптин ашканасына жаңы аралашып баштаган балдарды тарбиялап, өстүрүп жаткан ага-эжекелерибизге таазим. Өлкөбүздө төртүнчү бийлик өнүгө берсин!!!
Журналисттердин жардамы аркылуу кыргыз искусствосунда булбул үндүү опера ырчысы, КРдин Эл артисти Дарика Жалгасынова тууралуу кеңири маалымат алууга мүмкүнчүлүгүңүз бар.
Эгерде убактыңыз болсо, дизайнер Замира Молдошеванын менен болгон маекти сунаштайбыз.
Бүгүнкүгө ушул гана жетиштүү. Майрам көңүлдүү улансын, кесиптештер.
Буюрса өлкө боюнча күн ачык болот.
Валюта наркы. Бүгүн сомдун баасы долларга карата орто эсеп менен 68.73 (сатып алуу) жана 68.85 (сатуу) сомду түздү.
Мунай баасы. Бишкекте орточо эсеп менен алганда Аи-92 үлгүсүндөгү май 36.30 сом, Аи-95 үлгүсүндөгү бензин 39.00 сом, ал эми дизель майы 34.50 сомдон сатылууда.
Соңку сөз ордуна: Сүйүктүү кесиптештер, калемиңиздер курчуп, клавиатура бузулбасын.
Бүгүнкү күн тынч өтүп, жакшы майрамдаңыздар. Урматым менен Исмаил Мамытов.
