БИШКЕК, 31-окт. — Sputnik. Бишкекте Үсөнбаев көчөсүндө жайгашкан ашканада өрт чыккандыгы тууралуу ӨКМден кабарлашты.
Билдирмеге караганда тилсиз жоонун айынан 50 чарчы метрлик ашкананын ички жасалгасы жана техникалык жабдыктары күйүп кеткен.
"Э.Т. аттуу жаран ашкананын жанына Tayota Camry үлгүсүндөгү унаасын токтотуп кетип калган. Өрттүн айынан унаанын эшиктери менен фаралары жогорку температурага чыдабай эрип калган", — деп айтылат маалыматта.
Учурда өрттүн чыгуу себептери аныкталып жатат.
