БИШКЕК, 28-окт. — Sputnik. Белоруссиянын Минск шаарында өткөн Евразия өкмөттөр аралык кеңеш жыйынынын соңунда бир катар документтерге кол коюлганын өкмөттүн маалымат кызматы билдирди..
Алсак, Жогорку Евразиялык экономикалык кеңешинин "2015-жылга Евразия экономикалык комиссиясынын бюджеттин аткарылышы, жылдык отчету жөнүндөгү" чечиминин долбоору талкууланды. Ошондой эле "2017-жылга Евразия экономикалык биримдигинин бюджети тууралуу" чечиминин долбоору каралды.
"2015-жылдын 8-сентябрындагы "Кийим, жүндөн жасалган кийимдерге тиешелүү бөлүктөр жана башка буюмдар" боюнча макулдашууну 2015-2016-жылдары ишке киргизүү боюнча пилоттук долбоорду (идентификациялоо) товардык позициядагы белгилери боюнча маркировкалоо тууралуу келишимге кол коюу жана протоколдун мөөнөтүн узартуу тууралуу маселе да каралды", — деп айтылат маалыматта.
Евразия өкмөттөр аралык кеңешинин кезектеги жыйыны 2016-жылдын ноябрь айында Москва шаарында өтөт. Жыйынга төрагалык кылуу Казакстандан Кыргызстанга өткөрүлүп берилди.
