БИШКЕК, 26-окт. – Sputnik. Үстүбүздөгү жылдын 1-ноябрында Жогорку Кеңештин социалдык маселелер, билим берүү, илим, маданият жана саламаттык сактоо иштери боюнча комитети Талас облусунун Кара-Буура районунун Кызыл-Адыр айылында көчмө жыйын өткөрөт. Бул тууралуу Жогорку Кеңештин маалымат кызматы билдирди.
Иш-чара ЖК депутаттары, мамлекеттик органдардын жетекчилери, эл аралык уюмдардын жана жалпыга маалымдоо каражаттарынын өкүлдөрүнүн катышуусу менен өтөт. Анда жалпы билим берүү уюмдарындагы тамак-аш менен камсыздоону оптималдаштыруу, мектептен тышкары билим берүү өңдүү маселелер каралат.
Ошондой эле депутаттар Талас облусундагы капиталдык ремонт талап кылынган бир катар жалпы билим берүү уюмдары, маданий жана спорттук мекемелердин абалынан кабар алмакчы.
