БИШКЕК, 26-окт. — Sputnik. Сузак районундагы 9-класстын окуучусунун өз өмүрүнө кол салышы боюнча териштирүү жана тергөө иштери башталганын ИИМ билдирди.
Эскерте кетсек, 23-октябрь күнү Сымкат айылында уурулукка шектелген өспүрүм үйдүн короосунда муунуп калган. Атасы аны көзүнүн тирүүсүндө табууга жетишкен, бирок бала аймактык ооруканага жетпей каза болгон.
![Суицид 14-летнего парня в Сузаке Суицид 14-летнего парня в Сузаке - Sputnik Кыргызстан](https://sputnik.kg/img/102996/17/1029961780_0:0:768:1280_600x0_80_0_0_e04f76d8345ae1c552a3ce65a78d93a2.jpg)
"Буга чейин жергиликтүү тургун курал менен акча уурдалганы тууралуу маалымат берген. Кийин баланын атасы келтирилген чыгымды төлөп берип, эки тарап өз ара түшүнүүгө келишкен", — деп айтылат маалыматта.
![23-октябрь күнү Сымкат айылында уурулукка шектелген өспүрүм үйдүн короосунда муунуп калган 23-октябрь күнү Сымкат айылында уурулукка шектелген өспүрүм үйдүн короосунда муунуп калган - Sputnik Кыргызстан](https://sputnik.kg/img/102996/16/1029961679_59:0:1280:768_600x0_80_0_0_19b29e3b69216dfa06869b4b25403bba.jpg)
![Атасы аны көзүнүн тирүүсүндө табууга жетишкен, бирок бала аймактык ооруканага жетпей каза болгон. Атасы аны көзүнүн тирүүсүндө табууга жетишкен, бирок бала аймактык ооруканага жетпей каза болгон. - Sputnik Кыргызстан](https://sputnik.kg/img/102996/18/1029961841_0:0:1220:767_600x0_80_0_0_2711f22c49be8807e84c511f34f78651.jpg)
Учурда маркумдун туугандарынын арызы каралып жатканы белгиленет.
"Маркумдун туугандары жергиликтүү тургундардын бири баланы сабап, уурулугун мойнуна алдырганын билдирди. Буга баланын өлүм алдында таштап кеткен каты дагы далил катары каралууда", — деп ырасталат маалыматта.
Учурда материалдар Сузак районунун ички иштер бөлүмү тарабынан соттук-медициналык экспертизага жөнөтүлгөнү белгиленет. Мындан тышкары, райондук ички иштер бөлүмүнүн кызматкерлери тарабынан жасалган аракеттер канчалык деңгээлде мыйзамдуу экенин ИИМ иликтөөгө алмай болду.