БИШКЕК, 22-окт. — Sputnik. Кыргызстандын футзал боюнча турнири 28-октябрда башталат. Бул тууралуу КРдин Футбол федерациясы билдирди.
Маалыматка ылайык, аталган мелдешке үч тайпага бөлүнгөн 9 команда катышат.
- "А" тайпасы: Ош, "Баткен Сити", "Химик";
- "В" тайпасы: "Чыгыш Электр" (Нарын), "Мурас" (Жети-Өгүз), "Нурфинанс" (Бишкек);
- "С" тайпасы: "Талас" (Талас), "Дордой" (Бишкек), "Фарватер" (Бишкек).
Турнир эки этапта өтүп, тайпадан чыккан эки командалар финалдык беттеште ойношот.
