БИШКЕК, 11-окт. — Sputnik. Токтогул Сатылганов атындагы Улуттук филармониянын кичи залында кыргыз элине таанымал акын, Кыргыз Республикасынын маданиятына эмгек сиӊирген ишмер Карбалас Бакировдун "Адашкан кентавр" аттуу поэзия кечеси болот. Бул тууралуу маалымат "Роза Отунбаеванын демилгеси" коомдук фондусунун сайтына илинди.
Акын ырларын поэзия ышкыбоздоруна 21- ктябрда тартууламакчы.
Бакиров "Адашкан кентавр", "Коргондогулар жана чексиздик", "Көкүлчөн кыялдар" аттуу үч ыр жыйнагынын автору. КРдин президентинин Ардак грамотасы менен сыйланган. Кыргызстандын маданиятына эмгек сиңирген ишмер. Түрк тилдүү өлкө акындарынын Түркияда өткөн фестивалдарынын бир нече жолку катышуучусу.
Бакиров котормочулук менен да алектенет. Ал көптөгөн акындардын ырларын кыргызчалаган.
