КРде жасалган 3 метрлик калпакты Гиннес китебине каттоо билдирмеси кабыл алынды

© Sputnik / Табылды КадырбековКыргызстанда жасалган үч метрлик ак калпактын архивдик сүрөтү
Кыргызстанда жасалган үч метрлик ак калпактын архивдик сүрөтү - Sputnik Кыргызстан
Жазылуу
Ак калпакты Рекорддор китебине киргизүү боюнча билдирме ушул жылдын апрель айында жиберилген. Азыр ал билдирме кабыл алынды деген билдирүү келген, эми рекордду тастыктоочу сертификатты алуу керек.

БИШКЕК, 6-окт. — Sputnik. Гиннестин рекорддор китеби Кыргызстанда жасалган үч метрлик ак калпак тууралуу билдирүүнү кабыл алганын улуттук баш кийимди жасагандардын бирөө Солтобек Эркин Sputnik Кыргызстан агенттигине билдирди.

Студенттер үч метрлик калпакты Гиннес китебине киргизүүнү көздөп жатат
Март айында студенттердин тобу бийиктиги үч метр болгон калпак жасашкан. Аны 5-мартта калпак күнүндө шаар тургундарына тартуулашкан. Андан кийин студенттер аны Гиннестин рекорддор китебине каттатуу үчүн билдирме жөнөтүшкөн.

Солтобек Эркин Гиннес тизмесине каттоо башкармалыгынан "Эң чоң калпак" деген аталыш менен кабыл алынды деген билдирме келгенин маалымдады.

Анын айтымында, эми тогуз документ тапшыруу зарыл. Алар эң чоң калпак тууралуу видео, сүрөттөрдү жана ЖМКга чыккан маалыматтарды рекорддор китебинин өкүлдөрүнө салып, чынында эле мындай нерсе жасалганын тастыкташы керек.

"Акыркы күн мынчасы деп так көрсөтүшпөптүр. Бирок канчалык ылдам болсо ошончо жакшы болорун белгилешкен. Эгер документтерди чогултсак, эң чоң калпак жасаганыбызды тастыктай турчу документ алабыз. Жибербесек, биздин билдирүүнү жокко чыгат", — дейт активист.

Ал ошондой эле буга чейин Гиннестин рекорддор китебине билдирүү бергендерди издеп, алардан кеп-кеңеш аларын баса белгиледи.

Калпактын жасалышы жана анын түрлөрү боюнча Sputnik Кыргызстан агенттигинин материалынан окуңуз>>

Жаңылыктар түрмөгү
0