БИШКЕК, 4-окт. — Sputnik. Бишкек мэриясы айдоочуларды Тез жардам унааларына жол берүүгө чакырган билдирүү таратты.
Маалыматка ылайык, Тез жардам автоунаасынын күйүп-жанган белгисине карабай жолдогу айдоочулардын төмөн маданияты, өзгөчө маршруттук таксилер жана троллейбустар тез жардам кызматынын өз убагында бейтапка жетүүсүнө тоскоолдук жаратууда.
"Медицина кызматкерлери үчүн бейтапка канча убакытта жетиши керектиги тууралуу регламент бар. Бишкектеги тез жардам тобу автожолдордун тыгынына, айрым көчөлөрдө чектен ашып курулган үйлөр, кичи райондордо жана көп кабаттуу үйлөрдүн жанындагы тосмолорго, токтотулган унаалардын көптүгүнө байланыштуу көптөгөн кыйынчылыктарга дуушар болууда", — деп айтылат билдирүүдө.
Мындан улам мэрия Тез жардам кызматы регламентте көрсөтүлгөн талапты аткара албай калган учурлар кездешип жатканын белгиледи.
