БИШКЕК, 3-окт. — Sputnik. Орус-кыргыз өнүктүрүү фондунун төрагасы Кубанычбек Кулматов студенттерге бизнес-долбоорлорду даярдап ОКӨФгө жиберүүнү сунуштады.
Белгилей кетсек, Орус-кыргыз өнүктүрүү фондунун жетекчиси Кубанычбек Кулматов Кыргыз-славян университетинин студенттери жана экономика факультетинин мугалимдери менен жолугушту.
Кулматов менен болгон жолугушуу "Орус-кыргыз өнүктүрүү фондунун Кыргызстанды реиндустриализациялоо процессиндеги ролу" деген аталышта өткөн илимий практикалык конференциянын алкагында ишке ашты.
Сөз сүйлөө учурунда фонддун жетекчиси инвесторлор Кыргызстанга ЕАЭБге көпүрө мамлекет катары кызыгып жатышкандыгын белгилеп өттү.
Анын айтымында, Кыргызстан Борбордук Азиядагы мамлекеттер арасында ачыктыгы жана кадрларынын жогорку кесипкөйлүгү менен айырмаланып келет. Кулматов Кыргызстандын жарандары Казакстанда орто жана жогорку звенодогу менеджер катары ийгиликтерди багындырып жатышканын мисал келтирди.
