БИШКЕК, 3-окт. — Sputnik. Россия жыл сайын 30 миллион доллардан Кыргызстандын карызын кечип турат. Бул тууралуу "Вечерний Бишкек" интернет-басылмасы финансы министри Адылбек Касымалиевге шилтеме берүү менен билдирди.
Анын айтымында, КРдин Россияга болгон карызы 270 миллион долларды түзөт. Быйыл 30 миллион доллар карыз жоюлду.
"Сүйлөшүүлөргө ылайык, 270 миллион доллар карыздан толугу менен кутулмайынча жыл сайын 30 миллион доллардан жоюлуп турат", — деген пикирин министр бюджет жана финансы комитетинин жыйынында билдирди.
Кыргызстандын жалпы тышкы карызы акыркы маалыматтарга ылайык, 3,7 миллиард долларды түзөт.
