БИШКЕК, 3-окт. — Sputnik. Талас — Бишкек унаа жолунда жеңил унаа менен камаз кагылышып, үч адам каза болду. Бул тууралуу ӨКМ билдирди.
Маалыматка ылайык, үстүбүздөгү жылдын 2-октябрь күнү саат 08:10до Талас — Суусамыр — Бишкек унаа жолунун 178-чакырымында Subaru Forester үлгүсүндөгү унаа менен оор жүк ташуучу "МАN" үлгүсүндөгү камаз кагылышкан. Натыйжада жол кысыгынан үч адам каза болгон.
Окуя болгон жерге барган куткаруучулар унаанын ичинде каза болгон адамдардын денесин чыгарып, райондук ички иштер бөлүмүнүн кызматкерлерине өткөрүп беришкен.
