БИШКЕК, 3-окт. — Sputnik. Эртең, 4-октябрь күнү Бишкектин айрым бөлүгүндө суу берүү токтотула турганын шаардык мэрия билдирди.
Маалыматка ылайык, суунун өчүрүлүшү "Тоголок Молдо" суу кампасындагы оңдоп-түзөө иштерине байланыштуу болууда. Мындан улам Манас, Фрунзе, Логвиненко көчөлөрү жана темир жол менен чектешкен аймакта суу болбойт.
Мэрия суу эртең мененки саат 9.00дөн 17.00гө чейин берилбей турганын белгилеп, шаар тургундарын аны топтоп алууну сунуштайт.