БИШКЕК, 2-окт. — Sputnik. Биринчи вице-премьер Мухамметкалый Абулгазиев башында турган кыргыз делегациясы өзбек тараптын чакыруусу менен 1-октябрда Өзбекстанга жөнөп кетти. Алар Анжиян шаарында кыргыз-өзбек мамилелерин талкуулай. Бул тууралуу өкмөттүн маалымат кызматы билдирди.
Анын алкагында кыргыз делегациясы Ходжааб районундагы орто мектеп, Анжиян мамлекеттик университет, Достук үйү, жаңы темир жол вокзал жана Асака шаарындагы автомобиль заводу менен таанышат.
Делегациянын курамында Кыргызстандын Өзбекстандагы элчиси, КР өкмөтүнүн Ош, Баткен облустарындагы ыйгарымдуу өкүлдөрү, Ош шаарынын мэри, аксакалдар, маданият ишмерлери жана артисттер бар.
