БИШКЕК, 1-окт. — Sputnik. Швед окумуштуулары адамга жакын болгон беш иттин генин таап чыгышты деп жазды РИА Новости Scientific Reports журналына шилтеме берүү менен.
Илимпоздор 437 итке эксперимент жасап, тамак-аш салынган желим кутучаларды ачытырып көрүшкөн. Изилдегендер иттер аны ачуу үчүн бөлмөдөгө чоочун адамга ишарат кылып, жакындайбы же жокпу деп байкоо салган.
Экинчи этапта адамдар менен алакага келе турган 95 итти жана тоң моюн болгон дагы 95ин тандап алышкан. Окумуштуулар алардын канынан ДНК анализин алып, эки топтукун салыштырып, текшерип көргөн.
Жыйынтыгында, адам менен жакын болгон болгон беш иттин генин таап чыгышкан. Анын төртөө адамга өтө эле окшоштугу менен таңгалдырган.
Окумуштуулар иттеги боорукердик сапаттардын генетикасы 30 пайызга жакын болорун, анткен менен аларга тарбия, үйрөтүү да таасирин берерин айтышкан.
