БИШКЕК, 30-сен. — Sputnik. Мэрия "Коопсуз шаар" долбоорун ишке ашырууга 30 млн. сом бөлөт деп билдирди өкмөттүн маалымат кызматы.
30-сентябрда премьер-министр Сооронбай Жээнбеков "Коопсуз шаар" долбоорун ишке ашыруу боюнча кеңешме өткөрдү.
Жээнбеков "Коопсуз шаар" долбоорун ишке ашыруу тегерегинде соттук процесстер жыйынтыктала электигине карабастан, көңүл бурулуп жаткандыгын айтты.
"Коомчулук адам курмандыктары менен коштолгон жол кырсыктарынын көбөйүшүнүн шартында "Коопсуз шаар" долбоорунун ишке берилүүсүн чыдамсыздык менен күтүүдө. Аталган долбоорду иш жүзүнө ашыруу боюнча чечкиндүү кадамдар керек", — деди Жээнбеков.
Премьер соттук чечимдерге карабай, бир катар тилкелерде видеокамераларды орнотулаарын айтты.
"Бишкек шаарында жергиликтүү бюджеттин эсебинен мурда долбоор алкагында каралбаган, соттук териштирүүлөрдүн предмети катары эсептелген жерлерде видеокамераларды орнотууну пландаштыруудабыз”, – деп белгиледи өкмөт башчы.
Жыйында Бишкек мэри Албек Ибраимов борбор калаа долбоорду өз алдынча ишке ашырууга киришүүгө мүмкүнчүлүгү бардыгын, ал үчүн 30 млн. сом кароо бөлүнөөрүн билдирди.
Өкмөт жаңы токтом долбоорун токумай болду
Өкмөт башчы "Коопсуз шаар" долбоорунун алкагында тийиштүү инфраструктураны өнүктүрүү үчүн мыйзамдык базаны өнүктүрүү максатында ИИМге унаа ээлеринен чогултулган айып пулдун 50 пайызы жергиликтүү бюджеттерде калуусу үчүн административдик айып пулду уюштуруу жана суммасын пайдалануу тартибин орнотуу тууралуу айтты. Бул максатта өкмөтүнүн токтом долбоору киргизилмей болду.
"Бул жергиликтүү бийлик органдарын комплекстерди орнотуусуна көмөк болуп, натыйжада автокырсыктардын санынын азайышына жана жарандардын коопсуздугун камсыздоого багытталган долбоордун баскычтуу ишке ашырылышына алып келет", — деди ал.
Анда комплекс орнотулган соң жол эрежелерин бузуу саны 80 эсеге азайган, кырсыктан каза болгондордун жана жаракат алгандарды саны 7 эсеге азайган. 2016-жылдын 26-февралынан тарта бүгүнкү күнгө чейин жол эрежесин бузгандыгы үчүн жазылган айып пулдун жалпы суммасы 5 млн. 326 миң сомду түзгөн.
Жээнбеков "Коопсуз шаарды" ишке ашырууда өзгөчө көңүлдү техникалык жагына буруу зарылдыгын, алар заманбап талаптарга жооп бериши кажет экендигин белгиледи.
