БИШКЕК, 30-сен. — Sputnik. Кыргызстандын жаштар курамасы (U-19) казакстандык атаандаштары менен ойной турганын КР Футбол федерациясынын маалымат кызматы билдирди.
Беттеш 2-октябрда Алматы облусундагы Талгар шаарында өтөт.
Учурда КР курамасы башкы машыктыруучу Владимир Салонун жетекчилиги алдында Футбол федерациясынын борборунда машыгууларын баштайт, ага 23 футболчу чакырылган.
Эске салсак, 30-августта Бишкек шаарында Кыргызстан менен Казакстандын улуттук курама командалары беттешип, оюн кыргызстандыктардын пайдасына аяктаган.
