БИШКЕК, 24-сен. — Sputnik. Оштун Араван районунда 18 жаштагы баланын жансыз денеси табылды. Бул тууралуу Ош ШИИБден билдирди.
Алдын ала маалыматтар боюнча Араван районунун тургуну катуу соккулардан улам жан берген. Аталган факт боюна Кылмыш жаза кодексинин 97-беренесинин (адам өлтүрүү) негизинде кылмыш иши козголду.
Милициянын маалымдашынча, Кара-Жантак айылынын жашоочусу Чек-Абад айылындагы кыз менен сүйлөшүп жүргөнү таяк жеп, муну арты өлүм менен аяктаган. Учурда соттук медициналык экспертиза дайындалды.
Аталган кылмыш иши боюнча шектүү катары 18-24 жаштар чамасындагы беш улан кармалып, тергөө иштери башталды.
