БИШКЕК, 24-сен. — Sputnik. Бишкек — Нарын — Торугарт унаа жолунда кырсык катталып, эки адам каза болду. Бул тууралуу ӨКМ билдирди.
23 Аяк оона 2016, 20:34
Маалыматка ылайык, ишембиге караган түнү саат 00:20да аталган кан жолдун 64-чакырымында комбайн менен "Audi 100" үлгүсүндөгү унаа сүзүшкөн. Натыйжада эки адам каза болуп, беш адам жаракат алган.
Окуя болгон жерге ӨКМдин куткаруучулары барып, каза болгон жана жабыркаган адамдарды унаадан чыгарышып, медициналык тез жардам кызматына өткөрүп беришкен.
