Аида Салянова: 1 млн. сомдук паранын бетин ачка адамды эмнеге сыйлабаш керек?
"Бир канча сунуштар түшүп, алар эске алынды. Демилгеге ылайык, ким пара тууралуу маалымат берсе, ошол акчанын 30 пайызын алат. Эмне үчүн миллион сомдук паранын бетин ачкан адам 30 пайызын албашы керек?" — деди Салянова.
Бул демилге парламентте бир топ талкууну жаратты. Негизинен депутаттар сый акы катары берилүүчү каражат кимдин эсебинен төлөнөрүнө, бюджетке кандай таасири тиерине кызыгышты.
Талкуу учурунда депутаттар Акылбек Жапаров, Мирлан Бакиров, Дастан Жумабеков жана Жанар Акаевдер мыйзам долбоорун колдоп берүүгө чакырып, мыйзамдын иштеп кетүү механизмдерин тактоо сунуштарын беришти.
